យុវវជនវ័យក្មេង ២០ នាក់ ទទួលបានបទពិសោធន៍ សិក្សាមូលដ្ឋានគ្រឹះនៃការផលិតភាពយន្ត

2017-12-22 20:50:18
ចំនួនមតិ 0 | ចំនួនចែករំលែក 0

ចន្លោះមិនឃើញ

វគ្គបណ្ដុះបណ្ដាល ScreenWriting Masterclass ដែលរៀបចំដោយ Soyo សហការជាមួយផលិតកម្ម Come Together Films និង នាយកដ្ឋានសិល្បៈភាពយន្តបានបញ្ចប់ជាផ្លូវការ កាលពីថ្ងៃអង្គារទី ១៩ ខែធ្នូ ឆ្នាំ២០១៧នេះ។

លោក Deependra Gauchan គ្រូបណ្តុះបណ្តាលបានប្រាប់ Sabay ថា វគ្គបណ្ដុះបណ្ដាលនេះ មានការចូលរួមពីសិស្ស ចំនួន ២០ នាក់។ ការសិក្សាផ្តោតអំពី រចនាសម្ព័ន្ធសាច់រឿង (Story Structure) រចនាសម្ព័ន្ធដ្រាម៉ា (Dramatic Structure) ការបង្កើតគំនិតសាច់រឿងថ្មី វិភាគប្រធានបទ (ទាក់ទងស្នេហា)។

លោកសាស្ត្រាចារ្យសង្កេតឃើញទទួលបានផលវិជ្ជមានជាច្រើន សម្រាប់ការបើកវគ្គសិក្សានេះ។

“សិស្សបានទទួលគំនិតថ្មីល្អៗជាច្រើន។ ដូច្នេះខ្ញុំសង្ឃឹមថា ពួកគេនឹងអាចមានសមត្ថភាពសម្រាប់បង្កើតរឿងថ្មីៗឲ្យ SOYO"។

សិស្សម្នាក់ឈ្មោះ សេង យីគលៀង ក៏បានចាប់អារម្មណ៍សម្រាប់ការចូលរួមវគ្គបណ្តុះបណ្តាល ដែលធ្វើឲ្យគេបានសិក្សាស៊ីជម្រៅនិងយល់ពីមូលដ្ឋានគ្រឹះនៃការផលិតភាពយន្ត ប្រកបទៅដោយជំនាញនិងទម្រង់ត្រឹមត្រូវ៕