២០ ចំណុចអ្នកមិនធ្លាប់ដឹងពីរឿងគំនូរជីវចល "Mulan”

2018-06-20 21:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

គិតមកដល់ពេលនេះគឺអស់រយៈពេល ២០ឆ្នាំហើយ ដែលភាពយន្តគំនូរជីវចល "Mulan” បានចាប់ដាក់បញ្ចាំង។ ភាពយន្តដ៏ល្បីរបស់ Disney មួយនេះអបអរខួបគម្រប់២០ឆ្នាំកាលពីថ្ងៃទី១៩ខែមិថុនានេះ។

ប្រសិនបើអ្នកបានទស្សនារឿងនេះ ប្រាកដជាដឹងហើយថាភាពយន្តនេះនិយាយពីស្ដ្រីវ័យក្មេងម្នាក់ឈ្មោះ Mulan ដែលក្លែងបន្លំជាទាហានឈ្មោះ Ping ដើម្បីជំនួសកន្លែងឪពុកខ្លួនក្នុងជួរកងទ័ព។ ពេលនោះនាងបានខិតខំប្រឹងប្រែងធ្វើជាទាហាន ដោយមានជំនួយពី Mushu និងចង្រិតឈ្មោះ Cri-Kee រហូតដល់នាងអាចជួយប្រទេសពីក្រុមទាហានរបស់រាជវង្ស Huns និងក្លាយជាវីរនារីមួយរួប។

ក្នុងឱកាសខួបគម្រប់២០ឆ្នាំ នេះគឺជាចំណុចទាំង២០ដែលអ្នកមិនធ្លាប់ដឹងពីរឿង "Mulan”៖

១. ភាពយន្តនេះចំណាយពេល៥ឆ្នាំក្នុងការផលិត

២. ភាពយន្តនេះប្រើប្រាស់អ្នកជំនាញគំនូរជីវចល អ្នករចនាផ្សេងៗ និងអ្នកបច្ចេកទេស ៧០០នាក់ដើម្បីផលិត

៣. “Mulan” ដកស្រង់ចេញពីរឿងរ៉ាវរបស់អ្នកក្លាហានចិន Hua Mulan

៤. Mulan អាចប្រើប្រាស់ទាំងដៃឆ្វេងនិងស្ដាំក្នុងការសរសេរនិងប្រយុទ្ធ

៥. ភាពយន្តនេះអមដោយបទចម្រៀងល្អបំផុត ដោយបានដាក់ដណ្ដើមពានអូស្ការ

៦. យោងទៅតាម សារព័ត៌មាន Entertainment Weekly តួអង្គ Mushu តម្រូវឲ្យច្រៀងបទ "Keep 'Em Guessing” ប៉ុន្តែត្រូវបានកាត់ចេញពីសាច់រឿង

៧. ដើម្បីផលិតរឿងនេះ ក្រុមការងារផឹកកាហ្វេអស់ជាង ១ ៦៣០ផោន

៨. Mulan គឺជាម្ចាស់ក្សត្រី Disney ដែលគ្មានមកុដពោលគឺមិនមានខ្សែរាជវង្សឬរៀបការជាមួយព្រះអង្គម្ចាស់ណាមួយឡើយ

៩. ភាពយន្តនេះទទួលបាន ឈ្មោះដណ្ដើមពាន Golden Globe ដល់ទៅ២

១០. Lea Salonga ដែលជាអ្នកបញ្ចូលសំឡេងតួអង្គ Jasmine ក្នុងរឿង Aladdin ក៏ជាអ្នកបញ្ចូលសំឡេងច្រៀងរបស់ Mulan

១១. តួអង្គ Chi Fu គឺតាមពិតហៅឈ្មោះអ្នកធ្វើការក្នុងដំណើរការផលិតភាពយន្តនេះតែម្ដង ពេលរាប់ឈ្មោះកងទ័ពនៅក្នុងភាពយន្ត។ មិនត្រឹមតែប៉ុណ្ណោះ ឈ្មោះនៅលើផ្នូរក៏ជាឈ្មោះរបស់អ្នកចូលរួមរចនាសាច់រឿងដូចគ្នា

១២. លោក Chris Sanders ដែលបញ្ចូលសំឡេងកូនឆ្កែនេះ ជាមនុស្សតែមួយដែលបញ្ចូលសំឡេងឲ្យ Stitch ក្នុងរឿង "Lilo & Stitch”។

១៣. ភាពយន្តនេះបានធ្វើឲ្យ Christina Aguilera ចាប់ផ្ដើមអាជីពជាអ្នកចម្រៀង។ បទចម្រៀងនាងទទួលបានភាពជោគជ័យខ្លាំង រហូតដល់នាងមានលទ្ធភាពចុះកុងត្រាជាមួយផលិតកម្ម RCA Records។