រម្លឹកពេល Dingdong សុំ Marian រៀបការកាល៦ឆ្នាំមុន នៅតែជាប់ជាប្រវត្តិសាស្ត្រតារាហ្វីលីពីន

2020-08-10 23:16:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលវេលាចេះតែកន្លងហួសទៅឥតឈប់ បន្សល់ត្រឹមអនុស្សាវរីយ៍ដែលគ្រប់គ្នាបានជួបប្រទះនាពេលកន្លងមក។ រឿងឈឺចាប់ជារឿងមួយធ្វើឲ្យគ្រប់គ្នាចាត់ទុកជាមេរៀនជីវិត ប៉ុន្តែពេលជួបរឿងល្អៗនោះ វាជាកាដូមិនអាចកាត់ថ្លៃបាន។

តួយ៉ាងកាលពីថ្ងៃទី ០៩ ខែសីហា គឺជាខួប ៦ឆ្នាំនៃពេលដ៏រំភើបរបស់គូស្នេហ៍តារាហ្វីលីពីន Dingdong Dantes និង Marian Rivera ខណៈខាងប្រុសសុំខាងស្រីរៀបការផ្ទាល់លើកញ្ចក់ទូរទស្សន៍។

វីដេអូនេះនៅតែជាវីដេអូពិសេស និងមិនអាចបំភ្លេចបានសម្រាប់អ្នកគាំទ្រទាំងអស់ ហើយក៏ជាពេលវេលាមានន័យមិនអាចបរិយាយបានសម្រាប់គូស្នេហ៍ ១គូនេះដែរ។

មកដល់ឆ្នាំ ២០២០ ពេលវេលាដ៏អស្ចារ្យនេះមានអាយុកាល ៦ឆ្នាំហើយ ហើយពេលនេះ Dngdong និង Marian ក៏មានកូនប្រុសស្រីជាមួយគ្នា ២នាក់ដែរ សុទ្ធតែជាក្មេងគួរឲ្យស្រឡាញ់។ ទោះបីកន្លងទៅយូរឆ្នាំមែន តែវីដេអូនេះនៅតែដក់ជាប់ក្នុងចិត្តអ្នកគាំទ្រ និងក្លាយជាវីដេអូប្រវត្តិសាស្ត្របង្ហាញពីក្ដីស្រឡាញ់របស់គូស្នេហ៍កម្លោះក្រមុំ ដែលសុទ្ធតែជាតារាល្បីជួរមុខដូចគ្នា។ ការហើយច្រើនឆ្នាំក្ដី ប៉ុន្តែចំណងស្នេហារបស់អ្នកទាំង ២នៅតែរឹងមាំ និងមានក្ដីសុខបំផុតដូចពេលស្រឡាញ់គ្នាដំបូង៕