Seak Vlogger បង្ហាញចំណូលរកបានពី YouTube ក្រោយបង្កើតបានជិត ៤ឆ្នាំ

2021-03-23 20:33:01
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចុប្បន្ននេះមានយុវវ័យខ្មែរជាច្រើនរូបបានងាកមកស្រវាចាប់អាជីពរបស់ខ្លួនឲ្យក្លាយជា Vlogger ឬធ្វើជា YouTuber ដោយបង្កើតជាវីដេអូចម្រុះប្រភេទផ្សេងៗគ្នាមានទាំងវីដេអូអបរំ វីដេអូចំណេះដឹង ឬវីដេអូបែបកំប្លែងៗទុកជាការកម្សាន្ត តបស្នងមកវិញដោយការគាំទ្រពីអ្នកទស្សនាហើយក៏ពួកគេអាចរកចំណូលបានមួយផ្នែកទៀតតាមរយ: YouTube និង Sponsor ជាដើម។

ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

លោក កែវ សៀក ធ្លាប់ចូលរួមកម្មវិធីរបស់ Sabay កន្លងមក

ថ្ងៃនេះ Sabay នឹងលើកឡើងពី YouTuber មួយរូបដែលកំពុងមានប្រជាប្រិយភាព នាពេលបច្ចុប្បន្នគឺ **លោក កែវ សៀក** ដែលតែងតែលេចមុខជាច្រើននៅលើបណ្ដាញសង្គមទទួលបានការគាំទ្រពីសំណាក់យុវវ័យ។ បុរសរូបសង្ហារកូនកាត់ចិនរូបនេះ បានចាប់ផ្ដើមអាជីពជា Vlogger បង្ហោះដាក់ក្នុង Channel YouTube ដំបូងរបស់ខ្លួននៅឆ្នាំ ២០១៧ ហើយក៏កំពុងទទួលបានការងារជាច្រើនជាបន្តបន្ទាប់មកទល់ឆ្នាំ ២០២១ នេះ។

បន្ទាប់ពីកសាងកេរ្ត៍ឈ្មោះល្បីលើ YouTube រកបានចំនួនអ្នក Subscribers យ៉ាងច្រើនសន្ធឹកផងនោះ។ តើ សៀក អាចរកចំណូលបានប៉ុន្មានដែរ YouTube ក្នុងអំឡុងជិត ៤ឆ្នាំមកនេះ?

ដើម្បីស្រាយចម្ងល់ដ៏អាថ៏កំបាំងនេះ សៀក ក៏បានបង្ហោះវីដេអូមួយទម្លាយឲ្យដឹងពីចំណូលរបស់ខ្លួនដែលរកបានកន្លងមក។ លោកបានបង្ហាញឈ្មោះឆាណែល Seak Vlogger ដែលមានចំនួនអ្នក Subscribers ជាង 389K និងមាន Views សរុបជាង ៤៣ លានដងរកចំណូលបាន ខ្ទង់ ៥ពាន់ដុល្លារ។

លើសពីនេះទៀត សៀក ក៏នៅមាន Channel មួយទៀតគឺ Seak Gaming មានចំនួនអ្នក Subscribers ជាង 509K និងមាន Views សរុបជាង ៤៥ លានដងអាចរកចំណុលបាន ខ្ទង់ ១ម៉ឺនដុល្លារ។ សរុបមក សៀក អាចរកចណូលបានពី YouTube ទាំង ២ របស់ខ្លួនរយ:ពេលជិត ៤ ឆ្នាំនេះគឺបានខ្ទង់ ១ម៉ឺន ៥ពាន់ដុល្លារ។

ចង់ដឹងច្បាស់សូមទស្សនាវីដេអូខាងក្រោម ឬចុចត្រង់នាទីទី ៦:00៖