អតីតប្រធាន​សមាគម​សិល្បក​រ​ខ្មែរ លោក សុះ ម៉ាច ដែលជា​កូន​ប្រុស​​បង្កើត​របស់តារាចម្រៀងដ៏​ល្បីល្បាញ​ក្នុង​សម័យ​សង្គមរាស្ត្រនិយម ក្នុងទសវត្សរ៍ឆ្នាំ៦០ និង៧០ ​គឺលោក​​ សុះ ម៉ាត់​ បានក្រើនរំលឹកកូនឲ្យចេះស្រឡាញ់អរិយធម៌ជាតិ​ និងមរតកជាតិខ្លួន ក្រោយពីប៉ុន្មានថ្ងៃមកនេះផ្ទុះរឿងប្រទេសជិតខាងសង់ប្រាសាទរងការសង្ស័យយកលំនាំប្រសាទអង្គររបស់ខ្មែរ។

បើទោះបីជាចេញកាន់តែឆ្ងាយពីរង្វង់សិល្បៈ លោក សុះ ម៉ាច តែងតែនិយាយរឿងសិល្បៈខ្មែរ និងឈឺឆ្អាលស្ទើរគ្រប់រឿងឲ្យតែទាក់ទងនឹងរឿងជាតិមាតុភូមិ។ ទន្ទឹមនឹងសិល្បករ-សិល្បការិនី ប្រតិកម្មរឿងប្រ​ទេសជិតខាងសាងសង់ប្រាសាទមួយ ដោយគេសង្ស័យថាបានចម្លងរចនាបថពីប្រាសាទអង្គរវត្ដខ្មែរ លោកបានប្រាប់ឲ្យកូនៗ ចេះស្រឡាញ់ជាតិ​ ទឹកដី សម្បត្តិវប្បធម៌​ ហើយត្រូវចេះរួមគ្នាថែរក្សាការពារអោយបានគង់វង្ស។

លោកក៏បានបញ្ជាក់ពីការដឹងគុណ បំផុតចំពោះគំរូវីរភាពបុព្វបុរសដូនតាកុលបុត្រកុលធិតាខ្មែរគ្រប់ជំនាន់ដែលបានបូជាលះបង់ដើម្បីការពារបូរណភាពទឹកដីសម្បត្តិវប្បធម៌រហូតដល់សព្វថ្ងៃ៕

អត្ថបទ៖ Tep Sovannmoly