កម្មវិធីការប្រកួតរ៉ូបូតថ្នាក់ជាតិលើកទី ៨ ឆ្នាំ២០២១ Robocon Cambodia 2021 នឹងធ្វើនៅ ថ្ងៃអាទិត្យទី ២៦ ខែធ្នូ ឆ្នាំ២០២១ ចាប់ពីម៉ោង ១:៣០ រសៀលតទៅនៅក្នុងបរិវេណសាលដំបូលទូកនៃសាកលវិទ្យាល័យភូមិន្ទភ្នំពេញ។

ក្រុមចំនួន ១១ មកពីសាកលវិទ្យាល័យនិងវិទ្យាស្ថានចំនួន៦ នឹងមកប្រកួតប្រជែងគ្នារួមមាន៖ វិទ្យាស្ថានបណ្ឌិត្យសភាបច្ចេកវិទ្យា ឌីជីថលកម្ពុជា (CADT), វិទ្យាស្ថានបច្ចេកទេសកម្ពុជា (ITC), វិទ្យាស្ថានជាតិបណ្ដុះបណ្ដាលបច្ចេកទេស(NTTI), សាកលវិទ្យាល័យជាតិគ្រប់គ្រង(NUM), វិទ្យាស្ថានពហុបច្ចេកទេសព្រះកុសមៈ (PPI) និងសាកលវិទ្យាល័យភូមិន្ទភ្នំពេញ (RUPP) ។

ក្រុមទាំងអស់នឹងប្រកួតប្រជែងក្នុងវិញ្ញាសា គប់ព្រួញចូលថូ ដើម្បីជ្រើសរើសជើងឯកថ្នាក់ជាតិប្រចាំឆ្នាំ។ ពីកម្មវិធីនឹងធ្វើការចែកសំបុត្រដល់អ្នកចូលទស្សនាផ្ទាល់ ដោយឥតគិតថ្លៃ ក្នុងចំនួនកំណត់។

កម្មវិធីនេះ នឹងបើកអោយចូលទស្សនាប្រមាណជិត ៣០០ នាក់ប៉ុណ្ណោះ និង​មាន​ការ​ផ្សាយ​បន្ត​ផ្ទាល់​ទាំង​នៅ​លើ​កញ្ចក់ទូរទស្សន៍ ទទក និងហ្វេសបុកផេកជាច្រើនផងដែរ។

អ្នកបានសំបុត្រកុំភ្លេចមកយកសំបុត្រ អ្នកមិនទាន់បាន កុំភ្លេចចូលរួមលេងអោយបានសំបុត្រហ្នឹងគេ។ មួយឆ្នាំមានតែម្តង ស្រែកហ៊ោរគាំទ្រក្រុមរ៉ូបូត។

តើមេដាយរបស់យើងស្អាតទេ? តើអ្នកគិតថាមេដាយបានទៅលើក្រុមណាដែរ?

អត្ថបទ៖ រក្សា