រដ្ឋបាល​ខេត្តកំពត បាន​ប្រកាស​ថា​ នឹងរៀបចំព្រឹត្តិការណ៍​ «កំពតសង្ក្រាន្ត» រយៈពេល៣ថ្ងៃ នៅ​ក្នុងថ្ងៃបុណ្យចូលឆ្នាំខ្មែរ ចាប់ពីថ្ងៃទី ១៤ ដល់ ១៦ ខែមេសា ឆ្នាំ​២០២៣ខាងមុខនេះ។

យោងតាម​សេចក្តី​ជូនដំណឹង​របស់​រដ្ឋបាល​ខេត្ត​កំពត បាន​ឱ្យដឹងថា កម្មវិធី​កម្សាន្ត​ដែលត្រូវរៀបចំឡើង​ក្នុងព្រឹត្តិការណ៍​កំពតសង្ក្រាន្ត​នេះ រួមមាន​ដូចជា៖ ការលេងល្បែងប្រជាប្រិយ ការ​សម្តែង​សិល្បៈ ការប្រគំតន្រ្តី (នៅឆ្នេរថ្មីកោះស្មៅ) ការប្រកួត​ប្រដាល់​ក្បាច់​គុនបុរាណខ្មែរ ការបាញ់​ទឹករាំកម្សាន្ត​ (រង្វង់​មូលទុរេន) ពិធីស្រង់​ព្រះ ការបាញ់​កាំជ្រួច ពិព័ណ៌​ភូមិមួយផលិត​ផលមួយ ការ​តាំង​បង្ហាញ​នំខ្មែរ​ថែវប្បធម៌ (មុខសាលាខេត្ត) រួមនឹង​ការតុបតែងលម្អអគ្គិសនី​បំភ្លឺ​តាមដងផ្លូវសាធារណៈសំខាន់ៗ និងរមណីយដ្ឋាន​នានា​ក្នុងខេត្ត​ផងដែរ៕

អត្ថបទ៖ សំភី