ស្ពាន​ខ្សែកាប​ឫស្សីកែវ ឆ្លងទន្លេសាប​ ត្រូវបាន​បើក​ឱ្យ​ប្រើប្រាស់​ជាបណ្តោះអាសន្នហើយ​នាព្រឹកថ្ងៃទី១០ ខែមេសា ឆ្នាំ​២០២៣នេះ។

បើតាម​សេចក្តីជូនដំណឹង​របស់​រដ្ឋបាល​រាជធានីភ្នំពេញ បាន​ឱ្យដឹងថា បច្ចុប្បន្ន​ការសាងសង់​ត្រូវបាន​សម្រេច​ស្ទើរតែ​ទាំងស្រុង ហើយ​នៅសេសសល់ការងារមួយចំនួនតូច ដែល​មិន​ប៉ះពាល់​ដល់ការ​បើកចរាចរ​ជាបណ្តោះអាសន្ន​នេះឡើយ។ ដូច្នេះ​ ការបើក​ឱ្យធ្វើដំណើរនេះ គឺ​ជួយ​សម្រួល​ដល់​លំហូរ​ចរាចរ និង​ការធ្វើដំណើរ​របស់​ប្រជាពលរដ្ឋ ក្នុងឱកាស​បុណ្យចូលឆ្នាំខ្មែរ ដែល​ខិតជិតមកដល់នេះ ក៏ដូចជា​ជួយដោះស្រាយ​ការកកស្ទះ​ចរាចរ​នៅតំបន់​ពាក់ព័ន្ធ​នេះផងដែរ។

ជាមួយគ្នានេះដែរ ស្ពាន​ដែកបេឡេ នៅ​ស្ថិតនៅក្បែរស្ពាន​ខ្សែកាប​នេះ គឺត្រូវបានបិទចរាចរហើយ៕

សូមទស្សនាវីដេអូបង្ហាញ​ពីការធ្វើដំណើរ​របស់​ប្រជាពលរដ្ឋ​លើស្ពានខ្សែកាបឫស្សីកែវ​ នៅព្រឹកថ្ងៃដំបូងនេះ ថតបង្ហោះដោយ​ផេក​មន្ទីរសាធារណការ និងដឹកជញ្ជូនរាជធានីភ្នំពេញ៖

អត្ថបទ៖ សំភី