ឡង់ដា៖ "ប្រកួតដើម្បីឈ្នះខ្លួនឯង មុនទៅយកឈ្នះដទៃ"

2017-04-05 19:54:49
ចំនួនមតិ 0 | ចំនួនចែករំលែក 0

ចន្លោះមិនឃើញ

"បើអ្នកពុំបានធ្វើវានៅថ្ងៃនេះ អ្នកក៏មិនដឹងថា តើអ្នកខ្វះអ្វីពិត ប្រាកដនោះទេ ហើយក៏មិនដឹងពីសមត្ថភាពខ្លួនពិតប្រាកដនោះដែរ ការចូលរួមការប្រកួតប្រជែងបែបនេះ គឺមិនមែនដើម្បីឈ្នះពានរង្វាន់នោះទេ តែគឺដើម្បីឈ្នះខ្លួនឯង"។

"Challenge your entrepreneurial skill by joining Cambodia ICT Award 2017" ឬ "ពង្រឹងសមត្ថភាពជាសហគ្រិនរបស់អ្នកចូលរួមជាមួយ Cambodia ICT Award ឆ្នាំ ២០១៧" ជាសារលើកទឹកចិត្តខ្លីរបស់នាយកប្រតិបត្តិវ័យក្មេងកម្មវិធីកក់សំបុត្រឡានអនឡាញ BookMeBus ក្នុងគោលបំណងលើកទឹកចិត្តឲ្យយុវវ័យចាប់អារម្មណ៍លើវិស័យបច្ចេកវិទ្យា ព្រមទាំងដុះខាត់សមត្ថភាពដើម្បីចូលរួមប្រកួតប្រជែងដណ្ដើមពានរង្វាន់ Cambodia ICT Award ឆ្នាំ ២០១៧។

បេក្ខជនជយលាភីលេខ១

លោក ជា ឡង់ដា នាយកប្រតិបត្តិវ័យក្មេងកម្មវិធីកក់សំបុត្រឡានអនឡាញ BookMeBus និងជាបេក្ខជនជយលាភីលេខ១ ក្នុងកម្មវិធីពានរង្វាន់វិស័យបច្ចេកវិទ្យាកម្ពុជា Cambodia ICT Award 2016 ក្នុងប្រភេទវិញ្ញាសារបង្កើតធុរកិច្ចថ្មីឲ្យដឹងថា លោកលើកទឹកចិត្តឲ្យយុវជនទាំងអស់គ្នា ចាប់ផ្ដើមដាក់ពាក្យ ផលិតវីដេអូខ្លីៗផ្ញើរចូលរួមប្រកួតពានរង្វាន់ Cambodia ICT Award ឆ្នាំ ២០១៧ ព្រោះវាល្អមែនទែន ដើម្បី Challenge និងអភិវឌ្ឍន៍ខ្លួនបន្ថែម និយាយរួម ពង្រឹងសមត្ថភាពជាសហគ្រិន។

ជា ឡង់ដា ជានាយកប្រតិបត្តិវ័យក្មេង BookMeBu

លោកបានចែករំលែកបទពិសោធន៍ ក្នុងនាមជាយុវជនរៀមច្បងដែលធ្លាប់ឆ្លងកាត់ការប្រកួតប្រជែងកាលឆ្នាំមុន ដល់អ្នកដែលមានចំណាប់អារម្មណ៍ចង់អភិវឌ្ឍន៍ខ្លួនជាសហគ្រិនក្នុងវិស័យបច្ចេកវិទ្យាថា៖ "ដំបូងខ្លួនលោកផ្ទាល់ ខ្លាចការប្រកួតប្រជែងបែបនេះ ដោយគិតថាខ្លួនគ្មានលទ្ធភាពអាចឈ្នះអ្នកចូលរួមដទៃទៀត ដោយសារខ្លួនឯងខ្វះនេះ ខ្វះនោះនឹងមិនទាន់ត្រៀមខ្លួនរួចរាល់ ប៉ុន្តែជាក់ស្តែង បើខ្ញុំមិនសាកល្បងទេ នេះគ្រាន់តែជាលេសប៉ុណ្ណោះ៕

ចុចអាន៖ អតីតនិស្សិត IT ក្លាយជាអ្នកជំនួញជោគជ័យទាំងវ័យក្មេង

ចុចអាន៖ "ខ្ញុំចង់ឃើញយុវវ័យខ្មែរឈ្នះមេដាយ ICT Award ដើម្បីមុខមាត់ជាតិនៅឆ្នាំក្រោយ"

អត្ថបទ៖ រក្សា