តារាចម្រៀង អ៊ាម វន្នី និងធារិកា ជួបគ្រោះថ្នាក់ចរាចរណ៍មុននេះ

2017-04-06 09:11:15
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមព័ត៌មានដែលធ្លាយលើបណ្ដាញសង្គមមុននេះ បានឲ្យដឹងថា តារាចម្រៀង អ៊ាម វន្នី និងសុវត្ថឌី ធារិកា បានជួបគ្រោះថ្នាក់ចរាចរណ៍ ដោយត្រូវរថយន្តធំធុនធំមួយគ្រឿង បានបើកមកបុករថយន្ត Lexus RX 300 ដែលមានតារាចម្រៀងទាំងពីរជិះក្នុងនេះ។

ហេតុការណ៍ខាងលើ បានកើតនៅម៉ោងប្រមាណ ១០ យប់មុននេះ នៅចំណុចទឹកដីខណ្ឌដូនពេញ សង្កាត់ផ្សារធំថ្មី។ គ្រោះថ្នាក់នេះ ត្រូវបានគេដឹងថា បានកើតឡើងបន្ទាប់តារាចម្រៀងទាំងពីរត្រឡប់មកពីការចូលរួមកម្មវិធី "កតញ្ញូរាត្រី" ទើបបញ្ចប់មុននេះ។

យ៉ាងណា មិនមាននរណាម្នាក់របួសក្នុងហេតុការណ៍នេះទេ គ្រាន់តែខូចខាតរថយន្តផ្នែកខាងក្រោយ។ ពេលនេះ ខណៈភាគីទាំងសង្ខាងកំពុងដោះស្រាយគ្នា ដោយភាគីខាង អ៊ាម វន្នី បានទាមទារសំណងពីភាគីរថយន្តធំ។ តារាចម្រៀងដែលទើបជួបគ្រោះភ្លើងឆេះផ្ទះថ្មីៗនេះ ថ្លែងក្នុងគ្រុបសមាគមសិល្បករស្ម័គ្រចិត្តថា ភាគីខាងរថយន្តធំ សុំសងដោយយករថយន្តទៅជួសជុលអោយ។ ប៉ុន្តែខាងលោក សុំដោះស្រាយឲ្យចប់នៅកន្លែង។

មិនទាន់ដឹងថា រថយន្ត Lexus ជារបស់ អ៊ាម វន្នី ឬយ៉ាងណាទេ ព្រោះកន្លងមកគេដឹងថា លោក ជិះរយន្តម៉ាក ហាលេនឌ័រ៕

អត្ថបទ៖ ទារិកា