សុគន្ធ នីសា ផ្ទុះប្រតិកម្មរឿងរិះគន់តារាហង្សមាស មិនទៅចូលរួមបុណ្យសពប្រពន្ធ រិន សាវ៉េត

2017-04-27 01:46:26
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីសារព័ត៌មានក្នុងស្រុកមួយបានចុះផ្សាយថា តារាចម្រៀងហង្សមាស រងការរិះគន់ពីមហាជន ថាមិនទៅចូលរួមបុណ្យសពប្រពន្ធលោក រិន សាវ៉េត ពេលនេះ សុគន្ធ នីសា ក៏បានបញ្ចេញប្រតិកម្មតបវិញ។

តាមរយៈសារបង្ហោះនៅលើទំព័រហ្វេសប៊ុក និសា នាងធ្វើការប្រៀបធៀបថា ពិធីរៀបអាពាហ៍ពិពាហ៍ ជប់លៀង ខួបកំណើត ឬបុណ្យផ្សេងៗ សុទ្ធតែត្រូវបានរៀបចំពេលវេលា និងកំណត់ថ្ងៃខែច្បាស់លាស់ ទើបម្នាក់ៗបានរៀបចំខ្លួនជាស្រេចដើម្បីចូលរួមកម្មវិធី។ ប៉ុន្តែករណីមនុស្សស្លាប់ គឺជារឿងមួយផ្សេងទៀត ដែលនរណាក៏មិនដឹងមុន ខណៈភរិយាលោក រិន សាវ៉េត ស្លាប់ ចំពេលពួកនាងរវល់ចោលការងារមិនបានរៀងៗខ្លួន។

"ព្រោះខណៈពេលហ្នឹងម្នាក់ៗគាត់រវល់ទៅសម្ដែងនៅឆ្ងាយ នៅក្រៅប្រទេស ហើយខ្លះទៀតគេជាប់រវល់ខ្លាំងដោយមិនអាចទុកការងារចោលបាន ព្រោះជាការទទួលខុសត្រូវលើការងារផ្ទាល់ខ្លួន"។

ទោះបីជាយ៉ាងណា នាងបញ្ជាក់ថា ទោះមិនបានទៅចូលរួមបុណ្យសពប្រពន្ធលោក រិន សាវ៉េត ក៏ពិតមែន ប៉ុន្តែម្នាក់ក៏បានចូលបុណ្យតាមសន្ធាររៀងៗខ្លួនហើយរួចហើយ។ បន្ថែមពីលើនេះ នាងថា កន្លងមកនាង ក៏ធ្លាប់រៃអង្គាសថវិកាយកទៅព្យាបាលជំងឺប្រពន្ធលោក រិន សាវ៉េត ផងដែរ។

សុគន្ធ និសា បញ្ជាក់ទៀតថា បុណ្យប្រាំពីរថ្ងៃខាងមុខនាង នឹងឆ្លៀតទៅឲ្យបាន ក្នុងចន្លោះថ្ងៃណាមួយនៃពិធីបុណ្យ៕