ម្ចាស់ពុម្ពអក្សរខ្មែរអាក្បាលធំ ប្រកាសដាក់លក់ស្នាដៃ ក្រោយគ្មានអ្នកគិតគូរឲ្យតម្លៃ

2017-05-04 20:14:34
ចំនួនមតិ 0 | ចំនួនចែករំលែក 0

ចន្លោះមិនឃើញ

"មកដល់ពេលនេះខ្ញុំត្រូវការលក់ពុម្ពអក្សររបស់ខ្ញុំ ក្នុងតម្លៃពិតប្រាកដ តម្លៃដែលជាកិត្តិយសរបស់ខ្ញុំ ដែលខ្ញុំជាអ្នកបង្កើត គិតថាអាចលក់បាន ដោយគិតពីភាពលំបាក ពេលវេលា ការចំណាយផ្សេង។ នៅ សំណាង ម្ចាស់ពុម្ពអក្សរខ្មែរអាក្បាលធំ/ AKbalthom បញ្ជាក់។

លោក នៅ សំណាង(រូបទី១ រាប់ពីឆ្វេង)

លោក នៅ សំណាង ដែលជាសមាជិកម្នាក់ក្នុងក្រុមអ្នករចនាពុម្ពអក្សរខ្មែរ បានប្រកាសដាក់លក់ស្នាដៃរចនាពុម្ពអក្សរផ្ទាល់ខ្លួនកាលពីពេលថ្មីៗ នៅលើគណនី Facebook របស់លោកភ្ជាប់ជាមួយការរៀបរាប់ពាក្យពេចន៍ពីការខិតខំក្រាញននៀលផលិតពុម្ភអក្សរខ្មែរប៉ុន្តែមិនទទួលបានតម្លៃតបស្នងវិញ។

ម្ចាស់ពុម្ពអក្សរអាក្បាលធំរូបនេះ បានឲ្យ Sabay ដឹងថា ការលក់ពុម្ពអក្សរដែលលោកខំរចនាបង្កើតដោយខ្លួនឯងជាច្រើនឆ្នាំមកនេះ គ្មានអ្នកផ្ដល់តម្លៃពោលតែបើដាក់លក់វិញគេរិះគន់ថា ហេតុអ្វីបានជាដាក់លក់ គ្រាន់តែពុម្ពអក្សរសោះ?

ចំពោះលក្ខខណ្ឌក្នុងការលក់ពុម្ពអក្សរខ្មែរអាក្បាលធំលោក សំណាង បានបន្ថែមថា បើទិញជាកញ្ចប់ ២០០$ និងមានសិទ្ធិប្រើប្រាស់ពុម្ពក្រោយៗទៀត ប៉ុន្តែឥឡូវលោកលក់តែ ១០០$ ប៉ុណ្ណោះជាតម្លៃពិតប្រាកដ។

ប្រិយមិត្តដែលចង់បន្តប្រើប្រាស់ស្នាដៃរចនាពុម្ពអក្សរខ្មែរអាក្បាលធំ អាចទាក់ទងរកជាវដោយផ្ទាល់តាមរយៈលេខ 069 556 887 ឬ Facebook Page: អាក្បាលធំ / AKbalthom៕