ឃ្មឹប សុំទោសហុងដានូវសម្ដីដែលខ្លួនបាននិយាយ (វីដេអូ)

2017-05-17 00:50:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងជំនួបសំណេះសំណាលជាមួយក្រុម "សមាគមមិត្តសិល្បៈស្ម័គ្រចិត្តជួយសង្គម" និងក្រុមអ្នកសារព័ត៌មាននៅខណៈនេះ ឃ្មឹប បានលើកឡើងថាខ្លួនសុំទោស ជាមួយសម្ដីដែលបានធ្លោយនិយាយចោទប្រកាន់ទៅលើ នាយហុងដា ថា "លេងល្បែង និងមានស្រី"។

ដោយសុំបិទបញ្ចប់រឿងនេះ នាង ឃ្មឹប លើកឡើងខ្លីថា នាងចង់សុំទោសដល់អតីតស្វាមីដោយខណៈនោះនាងនឹកឃើញភ្លាមឆ្លើយភ្លាមតាមការជជីកសួររបស់អ្នកសារព័ត៌មាន ហើយនាងសុំកុំឲ្យលោក ហុងដា ប្រកាន់ទោសអូសដំណើរពាក់ព័ន្ធរឿងនេះអី ហើយបើអាចសុំរាប់គ្នាជាបងប្អូនវិញ និងស្នើសុំបញ្ឈប់រឿងពាក់ព័ន្ធនឹងការបែកបាក់នាង និងអតីតស្វាមីទៀត។

អ្នកនាង ចន ច័ន្ទលក្ខិណា ប្រធានសមាគម នេះក៏ជាអ្វីដែល សមាគមសិល្បករស្ម័គ្រចិត្តចង់បានដែរ ទើបបង្កើតវេទិកាជាមួយ ឃ្មឹប ថ្ងៃនេះដើម្បីសំណូមពរ ក៏ដូចជាផ្សះផ្សារអ្នកទាំងពីរ។ "មែនទែនទៅ ខ្ញុំចង់ឲ្យ ឃ្មឹប គាត់អាចចូលលេងកំប្លែងជាមួយនាយ ហុងដា បានថែមទៀត។

លោក ហេង ឡុង ស្ថាបនិកសមាគមសិល្បករស្ម័គ្រចិត្ត បានបន្ថែមថា លោកស្នើឲ្យបញ្ឈប់ការនិយាយពាក់ព័ន្ធនឹងអតីតគូស្វាមី ភរិយា គូនេះ ព្រោះដោយហេតុថា នរណាក៏មានកំហុសដែរ។ ដូច្នេះហើយ មិនគួរជីកឬស ជីកគល់ថា នរណាម្នាក់ខុសឬត្រូវឡើយ។ "និយាយទៅ គឺសុំបញ្ឈប់ត្រឹមហ្នឹង...ក្រៅពីនេះ ខ្ញុំចង់ឲ្យអ្នកនាង ឃ្មឹប វិលមកការងារសិល្បៈវិញ ដើម្បីឲ្យជីវភាពគាត់បានប្រសើរ ព្រោះសិល្បៈ បើយើងអនុវត្តន៍បានល្អ ហើយព្យាយាម គឺអាចជួយជីវភាពយើងឲ្យល្អបាន"។

ក្រៅពីទទួលទានបានអាហារថ្ងៃត្រង់ដែលផ្ដល់ដោយ អាហារដ្ឋាន "បាយ័ន" និងផ្ដួចផ្ដើមដោយសមាគមសិល្បករស្ម័គ្រចិត្តជួយសង្គម រសៀលនេះ ឃ្មឹប ក៏ទទួលបានអំណោយមួយចំនួនដែរ ពីម្ចាស់ហាងផ្ទាល់មាន អង្ករ២បាវ ទឹកប្រាក់ ៥០ម៉ឺនរៀល។ ក្រៅពីនេះ កញ្ញា ហង្ស ម៉ារិនី ក៏បាននាំយកថវិកាចំនួន ៦៥ម៉ឺនរៀល ដែលបានរៃអង្គាសពីមិត្តភក្ដិ និស្សិត ព្រះសង្ឃក្នុងមូលនិធិកម្ពុជា មកផ្ដល់ជូន រ៉េន សុធារី ហៅ ឃ្មឹប ដែ របូករួមទាំងសមាគមរបស់អ្នកនាង ចន ច័ន្ទលក្ខិណា ក៏ផ្ដល់ជំនួយគាំទ្រខ្លះដែរមាន ទឹកប្រាក់ ១២០ដុល្លារ ក្នុងនោះ២០ដុល្លារបានពីស្រីលាភ តារាកំប្លែងក្នុងក្រុមនាយក្រឹម។

ក្រៅពីនេះ សមាគម នៅផ្ដល់អង្ករគាំទ្រជិវភាព ឃ្មឹប មួយឆ្នាំ និងផ្ដល់ទឹកដោះគោកូនតូចអាយុ ៦ខែរបស់នាយ ហុងដា រយៈពេលមួយឆ្នាំដែរ៕

ទស្សនាវីដេអូ Live ពិសេសពីក្រុមការងារ Sabay៖

អត្ថបទ៖ សុខណា