អ្នកនិពន្ធបទ "ចង់ឲ្យប្រុសសាវាក្លាយជាខ្ទើយ" ចេញមុខបកស្រាយ ក្រោយរងការរិះគន់

2017-06-15 02:39:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះបទ "ចង់ឲ្យប្រុសសាវាក្លាយជាខ្ទើយ" របស់ផលិតកម្មសាន់ដេរងការរិះគន់យ៉ាងចាស់ដៃ ពីសំណាក់អ្នកប្រើប្រាស់បណ្ដាញទំនាក់ទំនងសង្គមហ្វេសប៊ុកថា បទចម្រៀងហ្នឹងរើសអើងភេទទី៣។

ជុំវិញបញ្ហានេះ អ្នកនិពន្ធបទ "ចង់ឲ្យប្រុសសាវាក្លាយជាខ្ទើយ" នៅផលិតកម្មសាន់ដេ ហ៊ា ម៉េងហ៊ួរ បានប្រាប់ Sabay ថា ចំណងជើង និងអត្ថន័យនៃបទចម្រៀងនេះ មិនបានរើសអើងដល់ភេទទី៣ ឡើយ។ " ជាធម្មតាបងប្រសិនបើមនុស្សប្រុសហ្នឹងគាត់សាវាទៅមានស្រីច្រើន ពេលក្លាយទៅជាខ្ទើយគាត់ឈប់ស្រឡាញ់ស្រីហើយ និងទៅស្រឡាញ់ប្រុសវិញមិនខាន"។

ចំណែកឯ ការដាក់ចំណងជើង គឺតម្រូវទៅតាមសម័យកាលនាពេលបច្ចុប្បន្ន ព្រោះបើចំណងជើងប្លែកទស្សនិកជនប្រាកដជាចាប់អារម្មណ៍។ “ដូច្នេះមុន នឹងពួកគាត់ធ្វើការរិះគន់ ត្រូវយល់ពីអត្ថន័យ នៃបទចម្រៀងជាមុនសិន អ្នកខ្លះអត់ទេ ឲ្យតែឃើញចំណងជើងរិះគន់យកតែម្ដង "។ លោក ហ៊ាង ម៉េងហួរ ថ្លែងបញ្ជាក់។