តារា​សម្ដែង​វ័យ​ក្មេង​ នីតា វរវង្ស កាល​ពី​ព្រឹក​ម្សិលមិញ​​បាន​​ដួល​សន្លប់​ភ្លាមៗ​តែ​ម្ដង​នៅ​ក្នុង​បន្ទប់​ទឹក​ផ្ទះរបស់​នាង ដោយ​ពេល​នោះ​រូប​នេះ​កំពុង​រៀប​ចំ​ខ្លួន​ត្រៀម​ទៅ​ថត។

"ព្រឹក​ម្សិល​មិញ​ហ្នឹង​ ខ្ញុំ​ក្រោក​ពី​ព្រលឹម​ងូត​ទឹក​ត្រៀម​ចេញ​ទៅ​ថត ស្រាប់​តែ​អស់​កម្លាំង​ខ្លាំង​ពេក ហើយ​ក៏​វិល​មុខ​សន្លប់​យក​តែ​ម្ដង​បង" ។ នីតា​ និយាយ។

ទោះ​​ជា​កើត​មាន​​អាការៈ​ដួល​សន្លប់​បែបនេះ​ក្ដី តារា​សម្ដែង​រូប​នេះ​អះអាង​ថា នាង​មិន​បាន​បោះ​បង់​ចោល​ការងារ​​ទេ ពោល​គឺ​នាង​​បាន​ព្យាយាម​ទៅ​បន្ត​ការងារ​រហូត​ដល់​ចប់។ "ខ្ញុំ​បាន​ទៅ​ពេទ្យ​ចាក់​ថ្នាំ​អស់​៣​ម្ជុល​ដែរ​បង ហើយ​ពេទ្យ​ឲ្យ​ព្យួរ​សេរ៉ូម តែ​ខ្ញុំ​អត់​ព្យួរ​ទេ​ ខ្ញុំ​ទៅ​ថត​សិន ទើប​តែ​ថ្ងៃ​នេះ​ខ្ញុំ​សុំ​គេ​សម្រាក​ដើម្បី​ពិនិត្យ​សុខភាព​វិញ"។ តួ​ស្រី​វ័យ​២១​ឆ្នាំ​ រៀបរាប់។

តួ​ស្រី​ក្នុង​រឿង "នាង​នាថ​បាត់​ដំបង" រំលឹក​ថា​ កាល​ពី​មុន​ នាង​ក៏​ធ្លាប់​ជួប​អាការៈ​បែប​នេះ​ម្ដង​ដែរ ដោយ​សារ​តែ​នាង​តម​អាហារ​សម្រក​ទម្ងន់​ខ្លាំង​ពេក ហើយ​ករណី​លើក​នេះ​ដូចគ្នា គឺ​នាង​មិន​បាន​ទទួល​ទាន​អាហារ​ទាល់​តែ​សោះ​ទើប​ទៅ​ជា​បែប​នេះ៕

ចុចអាន៖

• ជុំវិញ នីតា វរវង្ស

• នីតា វរវង្ស បង្ហើប​ថា​ហ៊ាន​បញ្ចេញ​តែ​មាន​កម្រិត

• អាន​ព័ត៌មាន​កម្សាន្ត​ថ្មីៗ

អត្ថបទ៖ សុខណា