មិនធម្មតាទេ បើដឹងដើមទុនផលិតភាពយន្តភាគ "សិសិររដូវក្នុងបេះដូង"

2017-08-08 19:22:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្តភាគ "សិសិររដូវក្នុងបេះដូង" ដែលបានទិញកម្មសិទ្ធិពីប្រទេសកូរ៉េ របស់ទូរទស្សន៍ រស្មីហង្សមាស និងផលិតឡើងវិញដោយផលិតកម្ម Apsara Mera។ ដឹងទេថាភាពយន្តភាគមួយនេះចំណាយទុនប៉ុន្មានក្នុងការផលិត?

លោក ខាំ ភូរិ ដែលជាអ្នកដឹកនាំរឿង បានលើកឡើងថានេះជារឿងភាគខ្នាតវែងដំបូងបង្អស់របស់ផលិតកម្ម ហង្សមាស ដែលផលិតដោយ Apsara Mera ហើយទុនផលិតក៏ច្រើនទៅតាមហ្នឹងដូចគ្នា។

“ជាក់ស្ដែង "សិសិររដូវក្នុងបេះដូង" រឿងរបស់ KBS ដែលជាទូទៅ KBS ចំណាយ ប្រហែល ២០០ ០០០ដុល្លារអាមេរិកក្នុង១ភាគ នៅពេលដែលផលិតឡើងវិញបែបខ្មែរទោះគុណភាពមិនខ្លាំងដូចកូរ៉េតែត្រូវទាបជាងតិចតួចប៉ុណ្ណោះ ដូច្នេះហើយដើមទុនផលិតក៏ត្រូវចំណាយទៅតាមហ្នឹងដែរ។ លោកបន្ត។

ភាពយន្តភាគ "Autumn in My Heart “ គឺជាភាពយន្តល្បីបំផុតរបស់កូរ៉េ អំឡុងឆ្នាំ២០០០ ដល់២០០៣ ដែលសម្ដែង Song Seung Heon និង Song Hye Kyo។ ឆាប់ៗនេះអ្នកនិយមតាមដានភាពយន្តភាគខ្មែរនឹងបានទស្សនារឿងនេះតាមលំនាំបែបបទខ្មែរ (Khmer Version) នៅលើកញ្ចក់ទូរទស្សន៍ រស្មីហង្សមាស HDTV៕