ប៊ឺរី ឡើងតម្លៃខ្លួនគុណនឹង៣ដងបើប្រៀបធៀបពីពេលមុន

2017-10-09 20:08:06
ចំនួនមតិ 0 | ចំនួនចែករំលែក 0

ចន្លោះមិនឃើញ

បើប្រៀបធៀបពីពេលមុន នឹងឥឡូវតម្លៃខ្លួនតួឯកប្រុសក្នុងរឿង "ស្រទន់មន្តស្នេហ៍" លោក ប៊ឺរី ឡើងខ្ពស់ជាងមុនឆ្ងាយ គឺគុណនឹង៣ដងឯណោះ។

ប៊ឺរី បានប្រាប់ Sabay ថាកាលពីចូលសិល្បៈមុនដំបូងលោកចេញថត១រឿងទទួលបានតម្លៃខ្លួនចន្លោះពី ៧០០ ដុល្លារ ទៅ ៨០០ ដុល្លារអាមេរិកតែប៉ុណ្ណោះ បានប៉ុន្មានឆ្នាំក្រោយមកតម្លៃខ្លួនក៏ចាប់ផ្ដើមឡើងជាបន្តបន្ទាប់ពី ១៥០០ ដុល្លារ ទៅ ២០០០ ដុល្លារអាមេរិក ។ ប៉ុន្តែសម្រាប់ឆ្នាំ២០១៧ នេះវិញតម្លៃខ្លួនលោកឡើងខ្ពស់ឆ្ងាយបើប្រៀបធៀបពីពេលមុន។

“ដូចខ្ញុំប្រាប់អ៊ីចឹងចំពោះរឿងភាគថតរយៈពេលខ្លី(១ទៅ២ខែ) ខ្ញុំ ទទួលបានតម្លៃខ្លួនចាប់ពី ៣៥០០ ដុល្លារឡើងទៅ តែប្រសិនបើថតយូរ (៥ខែ) តម្លៃពី ៤០០០ ដុល្លារ ទៅ ៥០០០ ដុល្លារ គិតទៅតាមទីតាំងជិត ឬឆ្ងាយ។ ចំណែកឯរឿងខ្នាតធំវិញចាប់ពី ២០០០ ដុល្លារឡើងទៅ"។ នេះបើតាមតួឯកប្រុស ដេតភូមិន្ទ បានលើកឡើងដូច្នេះ។

ប៊ឺរី ទទួលបានតម្លៃខ្លួនខ្ពស់ជាងមុន ក្រោយពីទីផ្សារសិល្បៈកាន់តែរីកសាយ ហើយលោកបានគ្រងតំណែងតួឯកក្នុងរឿង ជាច្រើន ដូចជា«ស្រទន់មន្តស្នេហ៍» «ម្តាយក្មេករើសកូនប្រសា» «ស្អប់បងសង្សារគេ» «ចាំតែខ្លាចតើ» ជាដើម ។