អស់ពីម្ដាយ កូនប្រុសទាំង២របស់ សាន ស្រីឡៃ រំពឹងអ្នកណាទៅថ្ងៃអនាគត?

2017-10-16 23:57:38
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងប្រចាំផលិតកម្មរស្មីហង្សមាសអ្នកនាង សាន ស្រីឡៃ បានបាត់បង់ជីវិតកាលពីម្សិលមិញនៅហាង កែសម្ផស្សមួយកន្លែង ជិតស្ថានីយទូរទស្សន៍អប្សរា ដោយបន្សល់ទុកនូវកូនប្រុស២ នាក់ រស់នៅកំព្រា ម្ដាយឪពុក។ តើឲ្យពួកគេទាំង២នាក់បងប្អូនរំពឹងអ្នកណាទៅថ្ងៃអនាគត?

អ្នកស្រី ឡុង ចាន់ធី ម្ដាយ សាន ស្រីឡៃ និង ចៅប្រុសទាំង២

ទឹកភ្នែករលីងរលោងខ្លោចចិត្តអាណិតកូនស្រីបាត់បង់ជីវិតទាំងវ័យក្មេង អ្នកស្រី ឡុង ចាន់ធី ត្រូវជាម្ដាយ សាន ស្រីឡៃ បានរៀបរាប់ទាំងអួលដើមកថា អ្នកស្រី និងចៅមិនដឹងជារំពឹងអ្នកណានោះទេ ទៅថ្ងៃខាងមុខបើពេលនេះ ជំហរដែលរឹងមាំនៅក្នុងគ្រួសារបានទៅចោលអ្នកស្រី និងចៅៗគ្មានថ្ងៃត្រឡប់មកវិញ។ ដូច្នេះអ្នកស្រីគ្មានអ្វីក្រៅពីលើកម្រាមដៃ១០ អំពាវនាវសូមឲ្យសប្បុរសជនទាំងក្នុង និងក្រៅស្រុកជួយដល់ចៅប្រុសទាំង២ ឲ្យមានឱកាសរៀនសូត្រដូចក្មេងទូទៅផងចុះ។

អ្នកស្រីបន្តថា កន្លងមកមុនពេលស្លាប់អតីតស្វាមី សាន ស្រីឡៃ បានសន្យាថា នឹងលក់ដីភូមិមួយកន្លែងនៅខេត្តព្រៃវែង យកមកចែកឲ្យកូនប្រុសទាំងពីរ តែឥឡូវហួសពេលទៅហើយ ព្រោះកូនប្រសាអ្នកស្រីបានស្លាប់ទៅហើយ មិនដឹងទៅទាមទារដីចំណែកចៅដោយរបៀបណានោះទេ ខណៈពេលរស់នៅជាមួយគ្នា ស្រីឡៃ និង ស្វាមីមិនបានទៅចុះអេតាស៊ីវិល ជាមួយគ្នាឡើយ។

បច្ចុប្បន្នអ្នកស្រី ឡុង ចាន់ធី អាយុ ៤៦ មុខរបរលក់បបរ នៅផ្ទះជួល ក្នុងសង្កាត់ឃ្មួញ ខណ្ឌ សែន អ្នកស្រីគ្មានប្រកបការងារអ្វីកើតក្រៅពីមុខរបរនេះទេ ព្រោះដៃម្ខាងពិការទៅហើយ។គួរបញ្ជាក់ថាកូន ប្រុសច្បង សាន ស្រីឡៃ ឈ្មោះ ស៊ូ អាយុ ៧ ឆ្នាំ រៀនថ្នាក់ទី១ ចំណែកឯកូនប្រុសទី ២ ឈ្មោះ រាជ អាយុ ៤ ឆ្នាំ រៀននៅសាលាមត្តេយ្យ៕