បង្កើតរថយន្តក្នុងក្តីស្រមៃ ដើម្បីចេញទៅប្រកួតនៅប្រទេសជប៉ុន

2017-12-11 19:44:37
ចំនួនមតិ 0 | ចំនួនចែករំលែក 0

ចន្លោះមិនឃើញ

កុមារាកុមារីកម្ពុជា ជាច្រើននាក់បានចូលរួមប្រកួតប្រជែងគូរគំនូររថយន្តក្នុងក្ដីស្រមៃ ដើម្បីចម្រាញ់យកស្នាដៃគំនូរល្អបំផុតយកទៅប្រជែងស្នាដៃគំនូររបស់កុមារដទៃទៀតមកពីជុំវិញពិភពលោកនៅប្រទេសជប៉ុន។

ក្រោមប្រធានបទ គូរគំនូររថយន្តក្នុងក្ដីស្រមៃសម្រាប់ថ្ងៃអនាគត លក្ខខណ្ឌនៃអាយុកុមារដែលអាចចូលរួមបានមាន ក្រោមអាយុ ៨ឆ្នាំ, អាយុ ៨ឆ្នាំ ដល់ ១១ឆ្នាំ និងអាយុ ១២ឆ្នាំ ដល់ ១៥ឆ្នាំ។

លោក គង់ នួន ប្រធានក្រុមហ៊ុន តូយ៉ូតា (ខេមបូឌា) ជាអ្នកផ្តួចផ្តើមរៀបចំកម្មវិធីនេះឡើងបានឲ្យដឹងថា ការប្រកួតគំនូររថយន្តក្នុងក្តីស្រមៃរបស់ក្រុមហ៊ុនតូយ៉ូតា ដើម្បីផ្ដល់ឱកាសឲ្យប្អូនៗជំនាន់ក្រោយដែលមានភាពប៉ិនប្រសព្វក្នុងការគូរគំនូរ អាចបញ្ចេញនូវសមត្ថភាព គំនិតច្នៃប្រឌិត តាមក្ដីស្រមៃ។

ស្នាដៃគំនូរដែលចូលរួមប្រកួត នឹងត្រូវបានទទួលការវាយតម្លៃ ដើម្បីជ្រើសរើសស្នាដៃដែលល្អផ្ដាច់គេយកទៅប្រកួតប្រជែងស្នាដៃគំនូររបស់កុមារមកមកពីជុំវិញពិភពលោកនៅប្រទេសជប៉ុន។

លោកបន្តថា ការរៀបចំកម្មវិធីប្រកួតនេះក៏ជាផ្នែកមួយជួយបណ្តុះស្មារតីដល់កុមារតូចៗស្រលាញ់ថែរក្សាសិល្បៈគំនូរ។

ជយលាភីមានរង្វាន់លេខ ១ ដល់ លេខ ៣ តាមប្រភេទអាយុនីមួយៗ នឹងទទួលបានមេដៃហើយគំនូរដែលទទួលបានជយលាភីនឹងត្រូវបញ្ជូនទៅចូលរួមប្រកួតប្រជែងថ្នាក់ពិភពលោកនៅប្រទេសជប៉ុន។ ការប្រកួតនេះនឹងត្រូវប្រកាសជ័យលាភី ថ្នាក់ជាតិ នៅអំឡុង ខែមីនា ឆ្នាំ ២០១៨ និងជ័យលាភីថ្នាក់ពិភពលោក នៅខែសីហា ឆ្នាំ ២០១៨។

អ្នកឈ្នះមេដាយ នឹងត្រូវទទួលបាននូវដំណើរកម្សាន្តទៅកាន់ប្រទេសជប៉ុនរយៈពេល៥ថ្ងៃ ៤យប់ ជាមួយនឹងអាណាព្យាបាល ១រូប (ម្ដាយ ឪពុក ឬអាណាព្យាបាលស្របច្បាប់)។ ការប្រកួតប្រជែងរថយន្តក្នុងក្ដីស្រមៃនេះបានបង្កើតឡើងតាំងពីឆ្នាំ ២០០៤ ហើយនេះជាលើកទី ៨ហើយដែលប្រទេសកម្ពុជាយើងធ្វើការប្រកួតប្រជែង ។

ការប្រកួតគូរគំនូររថយន្តក្នុងក្តីស្រមៃរបស់តូយ៉ូតា កុមារាកុមារីកម្ពុជាក៏អាចផ្ញើស្នាដៃគំនូរដែលបានគូរនៅផ្ទះមកចូលរួមប្រកួតប្រជែងបានផងដែរ។ កាលបរិច្ឆេទឈប់ទទួលគឺនៅថ្ងៃទី ៣១ ខែមករាឆ្នាំ ២០១៨។

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា Like Page Sabay News Technology...

អត្ថបទបន្ទាប់៖

អត្ថបទ៖ ម៉េងងី

ពាក្យទាក់ទង

អត្ថបទពេញនិយម

អត្ថបទថ្មី

កិច្ចសន្យាប្រកួតផ្លូវការបានធ្វើរួចរាល់ គូនេះ មានអ្នកផ្ដល់ភាគរយមុន ៦០% ទល់នឹង ៤០%

testing

Why Justin Bieber Was My Style Icon This Year test

កម្មវិធីគម្រប់ខួប ១០ ឆ្នាំរបស់ក្រុមហ៊ុន រ៉ូតូ មែនសឹរៀថឹម ខេមបូឌា

News posting

លេចចេញលក្ខណៈសម្បត្តិទូរស័ព្ទកំពូល OnePlus ម៉ូដែល OnePlus Nord 3 មុនប្រកាសចេញផ្លូវការ