Vj Alaskoo ទទួលបានតំណែងថ្មីពីក្រសួងការងារ

2017-12-19 20:34:27
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង VJ ALASKOO ត្រូវបានតែងតាំងជា "ប្រធានសមាគមអតីតពលករមកពីកូរ៉េ" កាលពីម្សិលមិញនេះ។ ការតែងតាំងនេះធ្វើឡើងក្នុងក្នុងពិធីគម្រប់ខួប១០ឆ្នាំ នៃប្រព័ន្ធអនុញ្ញាតមុខរបរនៅកម្ពុជា និងពិធីជប់លៀងបំណាច់ឆ្នាំរបស់ក្រសួងការងារ និងបណ្ដុះបណ្ដាលវិជ្ជាជីវៈ។

ឯកឧត្ដម ហេង សួរ អគ្គនាយកក្រសួងការងារ និងបណ្ដុះបណ្ដាលវិជ្ជាជីវៈ

ឯកឧត្ដម ហេង សួរ អគ្គនាយកក្រសួងការងារ និងបណ្ដុះបណ្ដាលវិជ្ជាជីវៈបានឲ្យដឹងថា មូលហេតុដែលតែងតាំង VJ ALASKOO ជាប្រធានសមាគមអតីតពលករមកពីកូរ៉េ ដោយសារតែតារាសម្ដែងរូបនេះបទពិសោធន៍ច្រើនឆ្នាំ ទៅលើផ្នែកមានទំនាក់ទំនងល្អជាមួយបងប្អូនពលករខ្មែរដែលធ្វើនៅប្រទេសកូរ៉េ។ ឯកឧត្តមថា៖" ការបង្កើតសមាគមអតីតពលករមកពីកូរ៉េ គឺក្នុងគោលបំណងជួយបងប្អូនដែលបញ្ចប់ការងារត្រលប់មកស្រុកខ្មែរវិញ កុំឲ្យពួកគាត់ឯកោ ព្រោះមានសមាគមជាអ្នកជួយផ្ដល់ភាពកក់ក្ដៅ"។

ចំណែកឯសាមីខ្លួនត្រូវបានក្រសួងតែងជា "ប្រធានសមាគមអតីតពលករមកពីកូរ៉េ" VJ Alaskoo បានបង្ហាញអារម្មណ៍រំភើប សប្បាយរីករាយយ៉ាងក្រៃលេង ហើយលោកបានប្ដេជ្ញានឹងដឹកនាំសមាគមមួយនេះឲ្យបានល្អ ជាពិសេសជួយដល់បងប្អូនពលករខ្មែរ ក្រោយពេលបញ្ចប់ការងារត្រលប់មកកម្ពុជាវិញ។